საგარეო საქმეთა მინისტრის პირველმა მოადგილემ დავით დონდუამ გაცნობითი ხასიათის შეხვედრა გამართა გერმანიის ფედერაციული რესპუბლიკის ელჩთან საქართველოში ორთვინ ჰენიგთან.
შეხვედრაზე განხილულ იქნა საქართველოს ოკუპირებულ ტერიტორიებზე არსებული ვითარება და საოკუპაციო რეჟიმებსა და მოსკოვს შორის გაფორმებული ხელშეკრულებები.
მინისტრის პირველმა მოადგილემ დეტალურად ისაუბრა საქართველოს ოკუპირებულ რეგიონებში შექმნილ ვითარებაზე.
მხარეებმა ასევე იმსჯელეს ჟენევის საერთაშორისო მოლაპარაკებების ფორმატის მნიშვნელობაზე.
შეხვედრაზე გერმანულმა მხარემ კიდევ ერთხელ დაადასტურა საქართველოს სუვერენიტეტისა და ტერიტორიული მთლიანობის მხარდაჭერა და გამოთქვა ნაყოფიერი თანამშრომლობის იმედი.
