,,თავისუფალი დემოკრატების" წევრი ნინო გოგოაძე საგრეო უწყების ხლმძღვანელის თამარ ბერუჩაშვილის განცხადებას რუსეთთამნ სავაჭრო ურთიერთობის შეჩერების თაობაზე მის პირად შემოქმედებას უწოდებს.
,,ჩემი აზრით, ეს თამარ ბერუჩაშვილის შემოქმედებაა. რაც არ უნდა ბევრი საკოორდინაციო უწყებები შეიქმნას, მაინც არის კომუნიკაციის პრობლემა. დარწმუნებული ვარ, ის რაც მან თქვა, მთავრობის გადაწყვეტილება არ არის. საზოგადოება გაიგებს, რომ ეს არის ბერუჩაშვილის პირადი აზრი. დიალოგი რუსეთთან შეჩერებული არ არის და ვთვლი, რომ ეს არც იგეგმება", - აცხადებს ნინო გოგუაძე.
საქართველოს საგარეო საქმეთა მინისტრის, თამარ ბერუჩაშვილის განცხადებით, საქართველოს ხელისუფლება „მახედ" მიიჩნევს რუსეთის ბაზარს. ბერუჩაშვილმა ამის შესახებ, ვაშინგტონში რადიო ,,თავისუფლების" კორესპონდენტთან საუბრისას განაცახდა.
„ახლა დროებით ვაჩერებთ რუსეთთან ვაჭრობის საკითხებზე ამ დიალოგს, მას აზრი არა აქვს. რუსეთს ნებისმიერ მომენტში შეუძლია, ისევ აამოქმედოს ემბარგო", _განაცხადა ბერუჩაშვილმა რადიო ,,თავისუფლების" კორესპონდენტთან საუბრისას.
ბერუჩაშვილის სიტყვებით, რუსეთი მნიშვნელოვან პოლიტიკურ საკითხებთან დაკავშირებითაც „განაგრძობს დესტრუქციულ ნაბიჯებს, რის უკანასკნელი ნათელყოფა იყო ნოემბერში მოსკოვში ე.წ. სტრატეგიული პარტნიორობისა და ინტეგრაციის შესახებ შეთანხმების ხელმოწერა სოხუმის საოკუპაციო რეჟიმთან".
