,,ნამოძრაობის" დეპუტატი მიხეილ მაჭავარიანი ,,ჯი-ეიჩ-ენთან" საუბარში ყოფილი პრემიერის ბიძინა ივანიშვილის განცხადების შეფასებისას აცხადებს, სამწუხაროდ ივანიშვილი პრემიერ ირაკლი ღარიბაშვილის ნათესავებთან დაკავშირებულ პრობლემაზე საკმაოდ გვიან ალაპარაკდა და არა მაშინ როცა მისი პრევენცია შესაძლებელი იყო.
,,როცა ჩვენ ვსაუბრობდით, რომ ღარიბაშვილში ნათესავები და თამაზაშვილი იღებდნენ გადაწყვეტილებებს, ივანიშვილისა და მთავრობის წევრებისაგნ რეაქცია იყო, რომ ,,ნაცმოძრაობას" მოსახლეობა შეცდომაში შეყავს. მაშინ როცა პრობლემამ თავი არ დამალა, ახლა საუბრობს, ივანიშვილი, რომ აფრთხილებდა ღარიბაშვილს? სამუწუხაროა, რომ ეს ყველაფერი მას შემდეგ გახდა სანერვიულო როცა უკვე პრობლემა რეალობად იქცა და არა მაშინ როცა მისი პრევენცია შესაძლებელი იყო", _აცხადებს მაჭავარიანი.
კითხვაზე შესაძლებელია თუ არა ივანიშვილის გუშინდელი განცხადების შემდეგ უახლოეს პერიოდში ველოდოთ, რომ პრემიერმა ირაკლი ღარიბაშვილმა თანამდებობა დატოვოს მაჭავარიანი განმარტავს:
,, ღარიბაშვილი რაც უფრო დიდი ხნის განმავლობაში იქნება პრემიერი, მით მეტი პრობლემები იქნება ქვეყანაში. ის არის არაკომპეტენტური, მოუმზადებელი ადამიანი. სიძულვილის ენა რომელსაც ივანიშვილი და ღარიობაშვილი ამკვიდრებენ საფუძველია იმის, რომ ქვეყანაში სასიკეთოდ არაფერი შეცვალოს", _აცხადებს მაჭავარიანი ,,ჯი-ეიჩ-ენთან" საუბარში.
ღარიბაშვილს ვაფრთხილებდი, რომ შენი პრობლემა იქნება შენი ნათესავები. ამის შესახებ განცხადება ექს-პრემიერმა, ბიძინა ივანიშვილმა, „ქრონიკასთან" ექსკლუზიურ ინტერვიუში გააკეთა.
"ღარიბაშვილს მე დაუტოვე ჩემი თანამდებობა. შენი პრობლემა იქნება შენი ნათესავები და დაცვა. დაცვა "ძალიან აქტიურობს" და "ბიჭებს ყოველდღე" ეუბნება, რომ "უფრო დინჯად" უნდა მოიქცნენ. ამით საზოგადეობა არ გააღიზიანაოს. ამ მხრივ, მას ჰქონდა გამოწვევები. ჯანყარაშვილი პირველ ეტაპზე როდესაც მან ის დაიხმარა, მისაღები იყო. ეს პროცესი ცოტა გადაცდა და დროზე ვერ გაკეთდა რეაგირება, მაგრამ არაფერი საშინელება არ მოხმდარა. ღარიბაშვილმა მოუსმინა საზოგადოებას, მეც მქონდა შენიშვნები. რომან ჩხენკელზე, რამდენჯერ მაქვს ნათქვამი, რომ ის იქ არ უნდა იყოს, მან გააკოტრა „ქართუ ბანკი" და იყო "ნაციონალური მოძრაობის" წევრი. ექვსი თუ შვიდი თვის შემდეგ გაითვალისწინა, ამასაც ვერ ვიტყვი, რომ გაითვალისწინა ნახა თვითონ რომ მართალი ვიყავი", - აცხადებს ივანიშვილი.