ქუთაისის სააპელაციო სასამართლომ ემზარ კვიციანი სასამართლო დარბაზიდან გაათავისუფლა. მოსამართლის გადაწყვეტილებას ემზარ კვიციანის ახლობლები ოვაციებით შეხვდნენ.
გათავისუფლების მიუხედავად, პროკურატურამ კვიციანს ბრალიდ არ მოუხსნა. პროკურატურამ ორივე მუხლზე, ამბოხების მოწყობასა და უკანონო ბანდფორმირებების ჩამოყალიბებაზე, 11-თვიანი სასჯელი მოითხოვა, რაც კვიციანს უკვე მოხდილი აქვს.
თავად ემზარ კვიციანი ამბობს, რომ მას საკუთარი სიმართლის დამტკიცებისა და გამამართლებელი განაჩენის გამოტანის იმედი არ ჰქონდა. სწორედ ამიტომ წავიდა საპროცესო გარიგებაზე. თუმცა, ამბობს, რომ მას დანაშაული არ უღიარებია.
"რას უნდა ვაპირებდე, მემუარების წერას არ ვაპირებ ჯერჯერობით," - აცხადებს ემზარ კვიციანი მის სამომავლო გეგმებთან დაკავშირებით და ამბობს, რომ ის ყოფილი ხელისუფლების წევრების მიმართ ბრძოლას სასამართლოს გზით გააგრძელებს.