კომპანია SpaceX-ის გენერალურმა დირექტორმა ილონ მასკიმ სატელიტური ინტერნეტ პროვაიდერის Marsnet-ის შექმნის გეგმებზე ისაუბრა. მისი იდეის თანახმად, შესაძლებელი გახდება კავშირგაბმულობით დედამიწის დაუსახლებენ პუნქტებსა და მარსის უზრუნველყოფა.
"ამ პროექტის განხორციელებას მარსისათვის დიდი მნიშვნელობა ექნება. მიმაჩნია, რომ ის აუცილებლად უნდა განხორციელდეს და თუ არა ჩვენ სხვა ვინ შეძლებს მის აღსრულებას",- განაცხადა მასკიმ.
აღსანიშნავია, რომ ცოტახნის უკან მასკიმ უკვე განაცხადა, რომ მარსზე ადამიანების გამგზავრებას 10-12 წელში უზრუნველყოფს.
პროექტი განხორციელდება თუ არა ცხადია, რომ SpaceX-ის ხელმძღვანელის გეგმას შესაძლოა მაღალი შეფასება მიეცეს. SpaceX -ის გათვლებით სატელიტური ინტერნეტ პროვაიდერის ამოქმედება უახლოეს 5 წელშია შესაძლებელი. წინასწარი გათვლებით, პროექტის განხორციელებით მიღებული შემოსავალი დანახარჯებს დაფარავს, საუბარია 10 მლრდ დოლარზე.
მასკის იმედი აქვს, რომ პროექტის განხორციელებაში მას აშშ-ს პრეზიდენტი ბარაკ ობამაც დაუჭერს მხარს, რომლის სურვილიცაა ადამიანების ინტერნეტზე ხელმისაწვდომობის გაზრდა.
წინასწარი ინფორმაციით, პროექტი კორპორაცია Google-სთან თანამშრომლობით განხორციელდება.
