გერმანული ანტიისლამური ორჰანიზაციის, "პეგიდას" ერთ-ერთი დამფუძნებელი პოსტიდან გადადგა. ლეტც ბაჰმანმა გადადგომის შემდეგ საჯაროდ ბოდიშიც მოიხადა და განაცხადა, რომ მისმა გაუაზრებელმა ქმედებებმა ორგანიზაციას იმიჯი შეულახა. საუბარია მის მიერ გამოქვეყნებულ პუბლიკაციებსა და ინტერვიუებზე, სადაც "პეგიდას" ლიდერი გერმანიაში მყოფ ემიგრანტებს ცხოველებსა და ნაძირლებს უწოდებდა. კიდევ ერთი პოლიტიკური სკანდალის მიზეზი კი ბაჰმანის მიერ გადაღებული სელფი გახდა, სადაც მას ჰიტლერის ულვაში და ვარცხნილობა აქვს. ორგანიზაცია "პეგიდა" დრეზდენში ევროპის ისლამიზაციის წინააღმდეგ აქციებს ყოველკვირეულად მართავს.
მასალის გამოყენების პირობები
