ევროკავშირი თურქეთის თავისუფალ მედიაზე განხორციელებულ ზეწოლას გმობს. ბრიუსელის ოფიციალურ განცხადებაში ნათქვამია, რომ ოპოზიციურ მედია-საშუალებებზე განხორციელებული რეიდები ევროპულ ღირებულებებს ეწინააღმდეგება და თურქეთის ევროინტეგრაციას შეუშლის ხელს. მომხდარის გამო შეშფოთებას გამოთქვამენ ევროკავშირის საგარეო პოლიტიკის კოორდინატორი ფედერიკა მოგერინი და ევროკომისარი იონანეს ჰანიც. თურქეთის პოლიციამ ოპოზიციური მედიაზე მასშტაბური რეიდი გასულ კვირას მოაწყო. პოლიციამ მედიის 23 წარმომადგენელი შეერთებულ შტატებში მცხოვრები რელიგიური მოღვაწის, ფეტჰულაჰ გიულენის მხარდაჭერისთვის დააკავა, რომელიც პრეზიდენტ ერდოგანის აქტიურ ოპონენტად ითვლება.
მასალის გამოყენების პირობები
