,,ჩვენს ტერიტორიაზე 10 კანონიერი ქურდი გვყავს, რომელთაგან თითოეულს 20-30 ე. წ. ,,მაყურებელი" ექვემდებარება. ამ უკანასკნლებს, თავის მხრივ 100-150 ახალგაზრდა მიმდევარი ჰყავთ, რომელთაც ჰგონიათ, რომ თუ ბოროტმოქმედებს ასეთი კარგი მანქანები ჰყავთ, ასე კარგად აცვიათ, ძვირადღირებული საათები უკეთიათ, ისინიც მათ გზას უნდა დაადგნენ.
გპირდებით, რომ ამ მანკიერებას აუცილებლად აღმოვფხვრით და ჩვენს ახალგაზრდობას ამ გზას ჩამოვაცილებთ." - განცხადა რაულ ლოლუამ.
მისი თქმით, ,,კანონიერი ქურდების" და მათი დაქვემდებარებული პირების მიმართ სამართალდამცავებს თვალთვაი აქვთ დაწესებული და მათ ყოველ ქმედებას აკონტროლებენ.
ლოლუა აფხაზ საზოგადოებას დაპირდა, რომ უახლოეს ხანებში ბოროტმოქმედებს ,,სამოქმედო არეალს" ან საკუთარი ნებით დაატოვებინებენ ან ყველა ციხეში ამოყოფს თავს.
,,ამისთვის კი თქვენი, საზოგადოების მხარდაჭერა აუცილებელია." - აღნიშნა რაულ ლოლუამ.