მასშტაბური ეკოლოგიური კატასტროფა ისრაელში. ნავთობსადენზე მომხდარი ავარიის გამო მილიონობით ლიტრი საწვავი დაიღვარა, რის შედეგადაც ეილატის ნაკრძალს სერიოზული ზიანი მიადგა. საგანგებო სიტუაციათა სამსახურმა კატასტროფის შედეგების სალიკვიდაციო სამუშაოები უკვე დაიწყო. ადგილობრივი ექსპერტები მომხდარს ეროვნული მასშტაბის კატასტროფად აფასებენ. კატასტროფის შედეგად მიყენებული ზარალი ასობით მილიონ დოლარს შეადგენს.
ვაშინგტონში საშობაო ნაძვის ხე განათდა. ტრადიციული რიტუალი პრეზიდენტმა ობამამ და ამერიკის პირველმა ლედიმ შეასრულეს. საზეიმო ცერემონიას ობამას ქალიშვილები საშა და მალიაც ესწრებოდნენ, რომლებმაც საშობაო სიმღერაც იმღერეს. ნაძვის ხის ზეიმი თეთრ სახლში ტომ ჰენკსმა, რიტა უილსონმა და სხვა ცნობილმა სტუმრებმაც აღნიშნეს. ტრადიცია სათავეს 1923 წლიდან იღებს. პირველად საშობაო ნაძვის ხე თეთრ სახლში პრეზიდენტმა კალვინ კულიჯმა გაანათა.
