,,კარგია, რომ პრეზიდენტმა ხელი არ მოაწერა იმას, რასაც არ ვეთანხმებოდი და არ ეთანხმებოდა ბევრი ჩემი კოლეგა", _განაცხადა ,,ჯი-ეიჩ-ენთან" საუბარში კოალიცია ,,ქართული ოცნების" წევრმა ლევან ბერძენიშვილმა პრეზიდენტის გადაწყვეტილების შეფასებისას.
მისივე განცხადებით, სამართალდამცავებს ზედმეტი უფლებამოსილება არ სჭირდებათ.
,,გუშინაც კანონპროექტს მხარი არ დავუჭირე და არ მომავალში მისი გადავადებისთვის მხარის დაჭერას არ ვაპირებ. Pპრეზიდენტმა საჭიროდ ჩათვალა და კანონს ვეტო დაადო. სხვათა შორის, ეს მოსალოდნელი იყო, რადგან მას მანამდეც გამოხატული ჰქონდა მოსაზრება. Pპრინციპული საკითხია პროკურტურამ და პოლიციამ უნდა იმუშაოს, მაგრამ უნდა იმუშაოს დემოკრატიული ნორმებით, ზედმეტი უფლებები არ სჭირდებათ. ყოველ შემთხვევაში, ესაა არგუმენტები. პრეზიდენტის გადაწყვეტილებას ჩემი შეფასება არ სჭირდება, ეს მისი უფლებამოსილებაა. Kკარგია, რომ პრეზიდენტმა ხელი არ მოაწერა იმას, რასაც არ ვეთანხმებოდი და არ ეთანხმებოდა ბევრი ჩემი კოლეგა. თუმცა ეს არ ნიშნავს იმას, რომ ჩვენ კანონიერების მომხრე არ ვართ. პირიქით, ჩვენ მხარს ვუჭერთ რაც შეიძლება ე.წ. მოსმენებთან დაკავშირებით პროცესი გამჭვირვალე იყოს და კანონიერად მოუსმინონ იმდენჯერ რამდენჯერაც საჭიროა, მაგრამ ზედმეტობა არც ჩვენს ხელისუფლებას სჭირდება არც სხვას სჭირდება. რასაც ვუკიჟინებდით მიხეილ სააკაშვილის ხელისუფლებას იმას ჩვენსაც ვეუბნებით, რომ არ სჭირდება პოლიციას ზედმეტი უფლებები", _განაცახდა ბერძენიშვილმა ,,ჯი-ეიჩ-ენან" საუბარში.
პრეზიდენტმა გიორგი მარგველაშვილმა ,,ელექტრონული კომუნიკაციის შესახებ" კანონს ვეტო დაადო. შესაბამისად შსს-ს ოპერატიულ-ტექნიკურ დეპარტამენტს ფარული მოსმენა-მიყურადების და ასევე კომუნიკაციის მაიდენტიფიცირებელი ინფორმაციის შენახვის უფლება აღარ ექნება.
შეგახსენებთ, რომ ,,ელექტრონული კომუნიკაციის შესახებ კანონპროექტში შესატან ცვლილებებს", რომლის მიხედვითაც ფარულ მოსმენებთან დაკავშირებით საკანონმდებლო პროექტის დამტკიცების ვადა გადაიწია, დეპუტატებმა უყარეს კენჭი და მას 65 მომხრე და 31 მოწინააღმდეგე ჰყავდა. მოწინააღმდეგეებს შორის "ნაციონალური მოძრაობის" წევრების გარდა, "ქართული ოცნება - თავისუფალი დემორკატების" 9 წევრიც იყო და მათთან ერთად მურმან დუმბაძეც. პარლამენტმა აგვისტოში, ფარულ მოსმენებთან დაკავშირებით, საკანონმდებლო პაკეტი ისე მიიღო, რომ ღიად დარჩა საკითხი, ვის ხელში უნდა იყოს ელექტრონული კომუნიკაციის კომპანიების მიერ განხორციელებულ საკომუნიკაციო ინფორმაციაზე წვდომის ტექნიკური შესაძლებლობა - ე.წ. გასაღები.
აგვისტოში მიღებული საკანონმდებლო პაკეტის გათვალისწინებით, პარლამენტს 2014 წლის პირველ ნოემბრამდე ჰქონდა პერსონალურ მონაცემებზე წვდომის მექანიზმებთან დაკავშირებით საკანონმდებლო ნორმის დამტკიცების ვადა, თუმცა გუშინ მიღებული კანონის თანახმად ამ ვადამ გადაიწია.
