თავდაცვის სამინისტროს დაკავებული მაღალჩინოსნებისთვის აღკვეთის ღონისძიების შეფარდების საკითი დღეს, მათთვის ბრალის ოფიციალურად წარდგენიდან 24 საათში უნდა გაირკვეს. პროკურატურა საქალაქო სასამართლოს შუამდგომლობით მიმართავს.
თავდაცვის სამინისტროს მაღალჩინოსნებს ბრალი გუშინ, საქართველოს სისხლის სამართლის კოდექსის 182-ე მულის მეორე და მესამე ნაწილით წარედგინათ, რაც დიდი ოდენობით სახელმწიფო ქონების გაფლანგვას გულისხმობს.
ბრალის წარდგენის პროცედურა, ე.წ. მოდულის შენობაში 4 საათის განმავლობაში მიმდინარეობოდა.
გამოძიება მათ, სახელმწიფო ბიუჯეტის კუთვნილი 4 102 872 ლარის გაფლანგვის ედავება. დაკავებულები ბრალს არ აღიარებენ დაა ცხადებენ, რომ აღნიშნული ტენდერის შედეგად უპირატესობა უკეთესი პირობების მქონე კომპანიას მიენიჭა, რითაც ბიუჯეტმა რამდენიმე მილიონი დაიზოგა.
ბრალდებულების პოზიცია ჟურნალისტებს ადვოკატებმა გააცნეს.
ადვოკატების განცახდებით, პროკურატურამ მათი უფლებები დაარღვია და დაცვის მხარეს საქმის მასალების გაცნობის უფლება არ მისცეს, რადგან საქმეს გრიფი ადევს.