27 ოქტომბერს, 20:00 საათზე, თბილისის რიგით მე-17 ჯაზ-ფესტივალს მსოფლიოს ცოცხალი ლეგენდა, ჯაზმენი და ბასისტი, ოთხი გრემის მფლობელი სტენლი კლარკი დახურავს. სტენლი კლარკი ევროპის ტურნეს ახალგაზრდა ქართველ ჯაზ შემსრულებელთან ბექა გოჩიაშვილთან ერთად საქართველოში, სწორედ თბილისის ჯაზ-ფესტივალით იწყებს.
დასკვნით კონცერტს საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება.
23-27 ოქტომბერს თბილისის რიგით მე-17 ჯაზ-ფესტივალში მონაწილეობის მისაღებად საქართველოს, ტრადიციულად, მსოფლიოში აღიარებული მუსიკოსები სტუმრობდნენ: როი ეიერსი, ალ დი მეოლა, დევიდ ფიუზინსკი, სტენლი კლარკ ბენდი, მიშელ კამილოს ტრიო, ენდი შეპარდის კვარტეტი, ჯორჯ მელის კვარტეტი და ანატ კოენის კვარტეტი. უცხოელ ვარსკვლავებთან ერთად ფესტივალში მონაწილეობდნენ ახალგაზრდა ქართველი მუსიკოსებიც.
ჯაზ-ფესტივალის ფარგლებში, გიტარისტ დევიდ ფიუზინსკისთან ერთად დაუკრა პიანისტმა გიორგი მიქაძემ; ნიუ-იორკიდან სპეციალურად თბილისის ჯაზ-ფესტივალისთვის ჩამოვიდა ასევე ქართველი ჯაზ-შემსრულებელი გიორგი მელიქიშვილი (George Mel), რომელიც 20 წლის შემდეგ თავის კვარტეტთან ერთად პირველად წარდგა ქართველი მსმენელის წინაშე.
23-27 ოქტომბერს, წელს პირველად, ჯაზ-ფესტივალის ფარგლებში, თბილისის საკონცერტო დარბაზის ფოიეში გაიმართა ქართველი მხატვრის, დავით მჭედლიშვილის გამოფენა-გაყიდვა სახელწოდებით "All That Jazz"; დიმიტრი შევარდნაძის სახელობის ეროვნულმა გალერეამ კი ფრანგი ფოტოგრაფის, კრისტიან როზეს უნიკალური ნამუშევრების გამოფენას უმასპინძლა, მის ფოტოობიექტივში მოხვდნენ ისეთი ცნობილი მუსიკოსები, როგორებიც არიან: ნინა სიმონე, მაილს დევისი, ბობ მარლი, ჩარლი მინგუსი, ელა ფიჯერალდი, ჯეიმს ბრაუნი და სხვა.
წარმომდგენი
• საქართველოს კულტურისა და ძეგლთა დაცვის სამინისტრო;
• თიბისი ბანკის პერსონალური საბანკო მომსახურება TBC Status;
მხარდამჭერები
• თბილისის მერია
• ისრაელის საელჩო
პარტნიორები:
• ჯაზFM 97.5
• კავკასუს ონლაინი
• სასტუმრო შერატონი
• სასტუმრო „რუმსი"
• საუნდსითი
საინფორმაციო მხარდაჭერა:
• რუსთავი2
• ჯიდიესი
• სილკ ტვ
• არტარეა
• რადიო ქალაქი
• რადიო ფორტუნა
• ჟურნალი ოქეი და ფოკუსი
• გაზეთი ჯორჯია თუ დეი
• ონლაინ გაზეთი 24 საათი
ფესტივალის ორგანიზატორი
• კომპანია" ისთერნ პრომოუშენს" (Eastern Promotions)
მნიშვნელოვანი ინფორმაცია
• ბილეთების შეძენა შესაძლებელია ფილარმონიის სალაროში ან ონლაინ biletebi.ge ზე
• ბილეთების სალაროში TBC Platinum, TBC PrimeCard და TBC Status ბარათებით შეძენისას მოქმედებს 15-20% ფასდაკლება
