პრემიერი ირაკლი ღარიბაშვილი საზოგადოებას მთავრობის ორწლიანი საქმიანობის შესახებ ანგარიშს აცნობს. შეხვედრა სასტუმრო "რადისონში" მიმდინარეობს, რომელსაც მინისტრთა კაბინეტის წევრები, ჯარისკაცები, საპატრულო პოლიციის წარმომადგენლები, სპორტსმენები, ჟურნალისტები ესწრებიან.
,,ამ ორი წლის განმავლობაში ჩვენ ძალიან მნიშვნელოვანი ცვლილებები განვახორციელეთ ქვეყანაში. ზუსტად ორი წლის წინ ჩვენ შევცვალეთ ჩვენი მოქალაქეების ცხოვრება", _განაცხადა პრემიერმა.
მისივე განცხადებით, 2012 წელს ქართველმა ხალხმა აირჩია ცხოვრება შიშის გარეშე.
,,მე დავინახე 2012 წელს საზოგადოება რომელიც არასდროს არაფერში არ გაცვლის და არაფრის ფასად არ დაუთმობს თავის ღირებულებებს, არ დათმობს თავისუფლებას, რომელიც არის ჩვენი ქვეყნის მთავარი ღირსება და ჩვენი ამაყი ერის. სწორედ ამ ღირსეულმა საზოგადოებამ, ჩვენი ქვეყნის უმრავლესობამ ანდო კოალიცია ,,ქართულ ოცნებას" ქვეყნის მართვის სადავეები", _განაცხადა ღარიბაშვილმა სიტყვით გამოსვლისას.
