უკრაინის პრეზიდენტი პეტრე პოროშენკო მოულოდნელი ვიზიტით ქვეყნის აღმოსავლეთ რეგიონებში ჩავიდა.
პოროშენკო კრამატორსკში ჩავიდა და ის საარჩევნო უბანი დაათვალიერა, სადაც სპეცოპერაციაში ჩართული სამხედროები აძლევენ ხმას.
მისი განცხადებით, ქვეყანას ეყოლება ახალი პარლამენტი, რომელიც ადეკვატური იქნება ახალი ქვეყნისა და ხალხის.
უკრაინაში ვადამდელი საპარლამენტო არჩევნები იმართება. არჩევნები ამჯერადაც შერეული სისტემით ტარდება - დეპუტატების ერთ ნაწილს პარტიული სიით აირჩევენ, ნაწილს კი მაჟორიტარული წესით.
„დროებით ოკუპირებული ტერიტორიების სტატუსის შესახებ" კანონის თანახმად, რუსეთის მიერ ოკუპირებულ ყირიმსა და სევასტოპოლში არჩევნები არ გაიმართება, რის გამოც ქვეყნის უმაღლეს რადაში, 225 მაჟორიტარის ნაცვლად, სავარაუდოდ, 198 დეპუტატს აირჩევენ.
აღმოსავლეთ უკრაინაში მიმდინარე საბრძოლო მოქმედებების გამო, საპარლამენტო არჩევნები არ ჩატარდება დონეცკის ცხრა და ლუგანსკის ექვს ოლქში.
ადგილობრივი მედიის ინფორმაციით, სულ არჩეული უნდა იქნას 450 სახალხო დეპუტატი. ამათგან 225 პარტიული სიით.
არჩევნებში მონაწილეობას 29 პარტია იღებს.
