შინაგან საქმეთა სამინისტროს ინფორმაციით, "ნაციონალური მოძრაობის" ოფისთან მიმდინარე საპროტესტო აქციაზე დაკავებულია 6 პირი - 5 "თავისუფალი თაობის" აქტივისტი და 1 მოქალაქე.
სამინისტროსვე ცნობით, 3 პირის მიმართ საქმე აღიძრა ადმინისტრაციულ სამართალდარღვევათა კოდექსის 166 მუხლით (წვრილმანი ხულიგნობა), 2 პირის - ადმინისტრაციულ სამართალდარღვევათა კოდექსის 173 მუხლი (პოლიციის კანონიერი მოთხოვნისადმი დაუმორჩილებლობა) და 1 პირი - 166 და 173 მუხლებით.
შეგახსენებთ, რომ, "ნაციონალური მოძრაობის" ცენტრალურ ოფისთან. "თავისუფალი თაობის" აქციაზე პოლიციასა და აქციის მონაწილეებს ს შორის დაპირისპირება მოხდა. დაპირისპირება მას შემდედ დაიწყო, რაც აქციის მონაწილეებმა "ნაციონალური მოძრაობის" ოფისის შენობის მიმართულებით კვერცხების სროლა დაიწყეს. "თავისუფალი თაობის" წარმომადგენლები აქციაზე იმყოფებოდნენ დროშებით. მათ წაიკითხეს პეტიცია, რომლის გადაცემასაც პარტიისთვის აპირებდნენ, თუმცა როგორც თავად აღნიშნეს, პოლიციამ არ მისცა საშუალება, პეტიცია შენობაში შეეტანათ.
