დღეს, 22 ოქტომბერს, პრემიერ-მინისტრის სახლთან გამართული საპროტესტო აქციის დროს დაკავებული 6 პირის სასამართლო პროცესი გაიმართება. დაკავებულები 20 ოქტომბერს სასამართლო დარბაზიდან ხელწერილის საფუძველზე გაათავისუფლეს ისე, რომ სასამართლოს საქმეზე საბოლოო გადაწყვეტილება არ მიუღია.
პროცესის გადადების მიზეზად მტკიცებულებების სიმრავლე დასახელდა, რომლის განხილვაც სასამართლომ ვერ მოახერხა.
აქციის მონაწილეებს ბრალდებად პატრულის მოთხოვნების არ დამორჩილებასა და გინებას უყენებენ.
აქციის მონაწილეები ბრალდებას უარყოფენ და საკუთარი უდანაშაულობის დადასტურებას აპირებენ. აქციის მონაწილეები აცხადებენ რომ მათ მშვიდობიანი აქცია გამართეს და ადგილზე პროვოკაცია მათთვის უცხო პირებმა მოაწყვეს.
აქციის კიდევ ერთი მონაწილე ლევან კვარაცხელია კი კვლავ პატიმრობაში იმყოფება. მას ადმინისტრაციული ბრალდება სისხლის სამართლის მუხლით შეუცვალეს. კვარაცხელიას ხულიგნობის მუხლით გასაამართლებენ. კვარაცხელიას საქმეს სასამართლო ცალკე განიხილავს.
თბილისში მოსაშვილის ქუჩაზე პრემიერის სახლთან 19 ოქტომბერს მომხდარ ინციდენტთან დაკავშირებით დააკავეს. ისინი თავდაცვის ყოფილი მინისტრის ბაჩო ახალაიას მხარდამჭერ აქციაში მონაწილეობდნენ.
