ქუთაისის სააპელაციო სასამართლომ ძალაში დატოვა საქალაქო სასამართლოს გადაწყევტილება და შესაბამისად შს ყოფილი მინისტრის, ვანო მერაბიშვილისთვის შეფარდებული 5-წლიანი პატიმრობა და ჯანდაცვის ყოფილი მინისტრის ზურაბ ჭიაბერაშვილის დაკისრებული 50-ათასიანი ჯარიმა.
შეგახსენებთ, რომ საქმე ეხება დასაქმების სახელმწიფო პროგრამის საქმეს და ასევე კვარიათის აგარაკის ეპიზოდს. 17 თებერვალს ქუთაისის საქალაქო სასამართლომ მერაბიშვილს ამნისტიისა და შეკრებითობის პრინციპის გათვალისწინებით სასჯელის საბოლოო სახედ განუსაზღვრა პატიმრობა 5 წლის ვადით.
ამასთან სასამართლომ ნაწილობრივ ცნო დამნაშავედ ზურაბ ჭიაბერაშვილი და ჯარიმის სახით დააკისრა 50 000 ლარის გადახდა.
ვანო მერაბიშვილი და ზურაბ ჭიაბერაშვილი 22 მაისს დააკავეს, თუმცა ჭიაბერაშვილი გირაოთი გაათავისუფლეს.
გამოძიება მერაბიშვილსა და ჭიაბერაშვილს სისხლის სამართლის კოდექსის 1641, 182-ე მუხლის მესამე ნაწილის "ბ" ქვეპუნქტით და 332-ე მუხლის მეორე ნაწილით გათვალისწინებული დანაშაულების ჩადენას ედავება. მათ ბრალი ედებათ მოსყიდვაში, გაფლანგვასა და უფლებამოსილების გადამეტებაში.
