ტელეკომპანია "ტაბულას" დირექტორი შინაგან საქმეთა სამინისრტოსა და პროკურატურას მიმართავს და პრემიერ-მინისტრის სახლთან გამართულ აქციაზე მომხდარი დაპირისპირების გამოძიებას თხოვს. ჩერგოლეიშვილი "ტაბულას" ფოტოგრაფის, ალექსანდრე გიორგაძის დაკავებას, ჟურნალისტური საქმიანობისთვის ხელისშეშლად აფასსებს.
"ჟურნალისტური საქმიანობისთვის ხელისშეშლა არის სისხლის სამართლის 154-ე მუხლით გათვალისწინებული დანაშული. "ტაბულა" მოუწოდებს მოლიციას, დაკავდეს თავისი საქმიანობით - გახშირებული მკვლელობებისა და დანაშაულის შემთხვევების გამოძიებით და თავი დაანებოს პოლიტიკურეი ოპონენტების, მედიისა და სამოქალაქო სექტორის დევნას" - განუცხადა ჟურნალისტებს ჩერგოლეიშვილმა.
შეგახსენებთ, 19 ოქტომბრის საღამოს, პრემიერ ღარიბაშვილის საცხოვრებელ სახლთან, მოსაშვილის 10-ში, სადაც თავდაცვის ყოფილი მინისტრის ბაჩო ახალაიას მხარდამჭერები აქციას მართავდნენ, ფიზიკური დაპირისპირების შემდეგ პოლიციამ აქციის 7 მონაწილე, მათ შორის ტაბულას ფოტორეპორტიორი ალექსანდრე გიორგაძე დააკავა.
ტაბულას ფოტორეპორტიორის ადვოკატ ოთარ კახიძის ინფორმაციით, დღეს დილით გადაწყდება, როდის დაინიშნება დაკავებულთა სასამართლო პროცესი.
