მარტვილის მუნიციპალიტეტის სოფელ ნაგვაზაოში, ზურაბ ჯღარკავას ოჯახი დააყაჩაღეს. ,,ნაციონალური მოძრაობის" ადგილობრივი ორგანიზაციის ინფორმაციით, შემთხვევა გუშინწინ, საღამოს 2:00 საათზე მოხდა.
ყაჩაღებმა კისერზე თოკის გადაჭრისა და დახრჩობის მუქარით, 280 ლარი და 105 კილოგრამი თხილი წაიღეს.
მეზობლების თქმით, ადგილზე მობილიზებული იყო პოლიციის 7 მანქანა. ,,ჯი-ეიჩ-ენი" შსს აღნიშნული ფაქტის გადასამოწმებლად დაუკავშირდა, თუმცა საგამოძიებო ორგანოში აცხადებენ, რომ მსგავსი შეტყობინება არ მიუღიათ.
