„ლირიკა" - 35 კაფსულა, „სტაუროდორმი" - 30 აბი და „ნესტროლანი" - 47 აბი - ფსიქოტროპული ნივთიერების შემცველი ამ მედიკამენტების შემოტანის მცდელობა აღკვეთეს მებაჟე ოფიცრებმა საბაჟო გამშვები პუნქტის „ყაზბეგის" ტერიტორიაზე 10 ოქტომბერს. მათ მედიკამენტები რუსეთის მხრიდან შემოსული უკრაინის მოქალაქე მ.ა.-ის ხელბარგის დათვალიერებისას აღმოაჩინეს. საქმე შემდგომი რეაგირების მიზნით გადაეცა შსს საპატრულო პოლიციის დეპარტამენტის მცხეთა-მთიანეთის მთავარი სამმართველოს საგამოძიებო სამსახურს.
ნარკოტიკული ნივთიერების შემცველი მედიკამენტი „სედალგინ ნეო" - 8,5 აბი და მარიხუანა - 4 გრამი აღმოაჩნდა 9 ოქტომბერს სგპ „წითელი ხიდის" აზერბაიჯანის მოქალაქე ა.უ.-ს.
აღნიშნული საქმე შემდგომი რეაგირებისთვის გადაეცა შინაგან საქმეთა სამინისტროს საპატრულო პოლიციის ქვემო ქართლის მთავარი სამმართველოს საგამოძიებო სამსახურს.
