9-10 ოქტომბერს შემოსავლების სამსახურის მონიტორინგის დეპარტამენტის ოფიცრების მიერ, კონტროლის ღონისძიებების ფორმატში, საქართველოს სხვადასხვა ქალაქებში, მათ შორის: თბილისში, ხაშურში, ზესტაფონში, თერჯოლაში, წყალტუბოსა და ქუთაისში, ასევე რიკოთის უღელტეხილსა და თბილისი- სენაკი ლესელიძის ავტომაგისტრალზე, 725 ავტოსატრანსპორტო საშუალება და 22 ობიექტი შემოწმდა.
ავტოსატრანსპორტო საშუალებების შემოწმების შედეგად, იმერეთის რეგიონში 1 ადმინისტრაციული და 42 საგადასახადო სამართალდარღვევის ოქმი შედგა. დაჯარიმდა 38 გადამხდელი.
საკონტროლო შესყიდვისა და სალარო საკონტროლო აპარატის გამოყენების წესების დაცვის კონტროლის პროცედურების მიხედვით, თბილისში შემოწმდა 22 ობიექტი, შედეგად გამოვლინდა 21 სამართალდარღვევის ფაქტი.
საგადასახადო კანონმდებლობით დადგენილი მიმდინარე კონტროლის ღონისძიებები პერმანენტულად ტარდება საქართველოს სხვადასხვა რეგიონში - როგორც თვითმმართველი ქალაქების, ასევე სხვადასხვა მუნიციპალიტეტის ადმინისტრაციულ-ტერიტორიული საზღვრების ფარგლებში.
