საქალაქო სასამართლოს გადაწყვეტილებით, თენგიზ ერისთავი პატიმრობიდან 10 000-ლარიანი გირაოს სანაცვლოდ გათავისუფლდა.
სასამართლოს აღმკვეთი ღონისძიების შეცვლის შუამდგომლობით დაცვის მხარემ მიმართა. ხოლო მოსამართლემ შუამდგომლობა დასაშვებად ცნო. როგორც ერისთავის ოჯახის წევრები განმარტავენ, მათთვის მოულოდნელი იყო თენგო ერისთავის გათავისუფლება.
შეგახსენებთ, რომ ვაკეში მოკლული ლაშა მახარაძის მეგობარი თენგიზ ერისთავი 17 სექტემბერს სამართალდამცავებმა დააკავეს. ბრალად განსაკუთრებით დიდ ოდენობით ნარკოტიკული საშუალებების შეძენა-შენახვა ედება.
მისი გათავისუფლების მოთხოვნით რამდენიმე საპროტესტო აქცია გაიმართა და ხელმოწერები შეგროვდა.
თენგიზ ერისთავი დანაშაულს არ აღიარებს და აცხადებდა, რომ მას ნარკოტიკები ჩაუდეს.
თენგიზ ერისთავის საქმის განხილვა 29 ოქტომბერს გაგრძელდება.
