„სადახლო-საავტომობილოს'' საბაჟო გამშვები პუნქტის ტერიტორიაზე სომხეთიდან რუსეთის ფედერაციის მოქალაქე ვ.ვ. შემოვიდა, რომლის კუთვნილი ა/მ-ის დათვალიერებისას, მებაჟე ოფიცრებმა არადეკლარირებული ოქროს ნაკეთობები, საერთო წონით 412, 21 გრ. აღმოაჩინეს. საქონლის საბაჟო ღირებულებამ 16 593,96 ლარი შეადგინა.
შემოსავლების სამსახურის ინფორმაციით, საქმის მასალები შემდგომი რეაგირებისთვის ფინანსთა სამინისტროს საგამოძიებო სამსახურს გადაეცა.
ამავე დღეს, არადეკლარირებული ოქროს შემოტანა სომხეთის მოქალაქემ, ა. დ-მ სცადა. მას საბაჟო დათვალიერებისას ოქროს ნაკეთობები, საერთო წონით 104,03 გრ. აღმოაჩნდა. საქონლის საბაჟო ღირებულებამ 5808,65 ლარი შეადგინა.
საგადასახადო კოდექსის 289-ე მუხლის მე-10 ნაწილის თანახმად, მოქალაქეს სანქციის სახით 5808,65 ლარიის ოდენობით ფულადი ჯარიმა შეეფარდა.
