თავდაცვის ყოფილი მინისტრი ბაჩო ახალაიას განცხადებით ევროსაბჭოს მიერ მიღებულ რეზოლუციაში არსებული ჩანაწერის გამო რომელიც მას ეხება სასამართლოზე ზეწოლა მნიშვნელოვნად გაძლიერდება. როგორც საკითხის კომენტირებისას ახალაიამ საქალაქო სასამართლოში მიმდინარე პროცესზე განაცხადა მიღებული რეზოლუციის შემდეგ გამამართლებელი განაჩენის გამოტანის იმედი აღარ აქვს.
„ერთ-ერთი პუნქტის მიხედვით ევროსაბჭომ საქართველოს აბსოლუტურად ცივილიზებულად, გასაგებად მოუწოდა ხელისუფლებას აღკვეთის ღონისძიების შეცვლის შესახებ ჩემთან დაკავშირებით. ამ რეზოლუციის მიღებამდეც, მიღების პროცესში და მირების შემდგომ მკვეთრი პოლიტიკური განცხადებები განმეორდა და გაკეთდა. პრინციპული პოლიტიკური გადაწყვეტილება მიღებული, რომ ახალია უნდა იჯდეს ციხეში. ხელისუფლებამ გადაწყვიტა, რომ ევროსაბჭოს რეზოლუციის ეს პუნქტი მარტივად გადაწყვიტონ იმით რომ გამამტყუნებელი განაჩენი დააყენონ. მე არ ვიცი ახლა მოსულია თუ არა ახალი ტალღა სასამართლოზე ზეწოლის, მაგრამ გარანტიას გაძლევთ რომ ეს იქნება არანორმალური ზეწოლის ტალღა რომელიც სასამართლოსკენ წამოვა მხოლოდ ერთადერთი პუნქტის გამო. მე თუ მოლოდინი მქონდა, რონ გამამართლებელი განაჩენი დამდგარიყო, ამ რეზოლუციის შემდეგ გამიქრა. ახლა ყველაფერი მოსამართლის გამბედაობაზეა დამოკიდებული და მე თქვენი გამბედაობის მიმართ სკეპტიკურად ვარ განწყობილი", - მიმართა ახალაიამ მოსამართლეს.
