ზურაბ ჟვანიას ექსკუმაციასთან დაკავშირებით გამოძიებას გადაწყვეტილება უკვე მიღებული აქვს, თუმცა ჯერჯერობით უცნობია როდის ჩატარდება ექსპერტიზა. ცნობილია, რომ პროცესში საერთაშორისო ექსპერტები ჩაერთვებიან. როგორც პროკურატურაში ამბობენ გამოძიების ინტერესებიდან გამომდინარე ჯერჯერობით არც მათი ვინაობა და რაოდენობა არ სახელდება.
„სასამართლო სამედიცინო დარგში მიმდინარეობს ინტენსიური მოლაპარაკება საერთაშორისო დონის ექსპერტებთან და ტარდება შესაბამისი ექსპერტიზები. სწორედ ექსკუმაციის საკითხი პირდაპირ კავშირშია ექსპერტიზის შედეგებთან. რაც შეეხება კონკრეტულ ვადებს თუ როდის ჩატარდება ექსკუმაცია სამწუხაროდ ამ ვადას ვერ დავასახელებ რადგან ამ ეტაპზე ეგ საკითხი აღარ განიხილება. თუმცა ოჯახის პოზიცია ჩვენთვის ცალსახად ცნობილია, მათი მხრიდან ყველანაირად ადგილი აქვს გამოძიების მიმართ ხელის შეწყობას", - განაცხადა პროკურორმა, რევაზ ნადოიმ.
ყოფილი პრემიერ-მინისტრის ოჯახის წევრები თანახმა არიან ზურაბ ჟვანიას ცხედარს ექსკუმაცია ჩაუტარდეს.
„ჩვენ არაერთხელ გვაქვს დაფიქსირებული ეს პოზიცია, რომ თუ საჭირო გახდა ყველა საგამოძიებო მოქმედებას მხარს დავუჭერთ. ჩვენ ვართ მუდმივ კონტაქტში გამოძიებასთან და მგონი ყველა ინფორმაციას ვფლობთ", - განაცხადა გოგლა ჟვანიამ.
