საგარეო ურთიერთობათა კომიტეტმა დღევანდელ სხდომაზე პარლამენტში რატიფიცირებისთვის წარმოდგენილ ოთხ დოკუმენტზე იმსჯელა.
„ევროპის უშიშროებისა და თანამშრომლობის ორგანიზაციას, წარმოდგენილი მისი სამდივნოს მიერ და საქართველოს მთავრობას შორის მცირე და მსუბუქი შეიარაღებისა და ჩვეულებრივი საბრძოლო მასალის მარაგების პროგრამის განხორციელების შესახებ" ურთიერთგაგების მემორანდუმს ხელი 2014 წლის 30 აპრილის ქ. ვენაში მოეწერა. როგორც ,,ჯი-ეიჩ-ენს" საკანონმდებლო ორგანოდან აცნობეს მემორანდუმის მიხედვით, საქართველოს მთავრობა და ევროპის უშიშროებისა და თანამშრომლობის ორგანიზაცია ითვალისწინებს ეუთო-ს წევრი სახელმწიფოების მიერ მცირე და მსუბუქი შეიარაღებისა და ჩვეულებრივი საბრძოლო მასალის მარაგების თაობაზე აღიარებული პასუხისმგებლობების მნიშვნელობას მათ სრულ და დროულ განხორციელებაზე, ხელმძღვანელობენ საყოველთაოდ აღიარებული დემილიტარიზაციის საჭიროებით და გაცნობიერებული აქვთ ნებისმიერი სამხედრო კონფლიქტის თავიდან აცილების საჭიროება. მხარეები გამოხატავენ ორმხრივ ნებას გაანადგურონ არასაჭირო მცირე და მსუბუქი შეიარაღება და საბრძოლო მასალის მარაგები.
ურთიერთგაგების მემორანდუმის მიხედვით, ევროპის უშიშროებისა და თანამშრობლობის ორგანიზაცია წარმოდგენილი მისი სამდივნოს მიერ, შეიმუშავებს და განახორციელებს საქართველოში მცირე და მსუბუქი შეიარაღების და ჩვეულებრივი საბრძოლო მასალის მარაგების პროგრამას, რომელიც ფოკუსირებული იქნება სამ პრიორიტეტულ სფეროზე: ჭარბი მცირე და მსუბუქი შეარაღების და და ჩვეულებრივი საბრძოლო მასალის მარაგების განადგურები ს პროექტები, მათ შორის განადგურების ადგილობრივი შესაძლებლობების განვითარება, განადგურებასთან დაკავშირებული საქართველოს საკანონმდებლო და სხვა პროცედურების გაუმჯობესება, საქართელოში მცირე და მსუბუქი შეიარაღების და ჩვეულებრივი საბრძოლო მასალის მარაგების უსაფრთხოებისა და მართვის გაუმჯობესება.
საქართველოს მთვრობა იღებს ვალდებულებას გაათავისუფლოს ეუთო-ს სამდივნოს და მისი მომწოდებლების მიერ პროგრამის განხორციელებისათვის საჭირო მასალა და მომსახურება ყველა სახის გადასახდელისაგან. პროგრამის ფარგლებში განსახორციელებელი პროექტების მიზნებიდან გამომდინარე, საქართველოს მთვრობა გაათავისუფლებს მასალებს საბაჟო გადასახადებისაგან, რომლებიც შესაძლოა წარმოიშვას მასალების საქართველოს ტეროტორიაზე იმპორტ/ექსპორტის დროს.
პროგრამის განხორცილების ფარგლებში საქართველოს მთავრობა მიანიჭებს ეუთო-ს, მის საკუთრებასა და ოფიციალურ წარმომადგენლებს დიპლომატიური ურთიერთობების შესახებ ვენის 1961 წლის კონვენციით დადგენილ პრივილეგიებსა და იმუნიტეტს . მემორანდუმის რატიფიცირება ხელს შეუწყობს საქართველოსა და ეუთო-ს შორის არსებული ურთიერთობების გაღრმავებას და საქართველოში უსაფრთხო მდგომარეობის გაუმჯობესებას.
რატიფიცირებისთვის წარმოდგენილი „საქართველოსა და საერთაშორისო განვითარების ასოციაციას შორის დაფინანსების ხელშეკრულება (კონკურენტუნარიანობისა და ზრდის განვითარების პოლიტიკის მესამე ღონისძიების დაფინანსება)" ხელმოწერილია 2014 წლის 9 ივლისს. ხელშეკრულების პროექტით გათვალისწინებულია 22.7 მილიონ აშშ დოლარამდე სესხის გამოყოფა. სესხის ხანგრძლივობაა 25 წელი, მათ შორის შეღავთიანი პერიოდია 5 წელი , ხოლო საპროცენტო განაკვეტი 2-2,5%-ი . აღნიშნული დაფინანსება წარმოადგენს საბიუჯეტო მხარდაჭერას და ითვალისწინებს: კონკურენტუნარიანობის კანონის მიღებას, სურსათის/ცხოველთა საკვების უვნებლობის, ვეტერინარიის და მცენარეთა დაცვის კოდექსის მიღებას, ვაჭრობის ხელშემწყობი სისტემის ინტეგრირებას საბაჟო პროცესებთან, რათა მოხდეს პორტებში კონტეინერების გატარების გამარტივება, სკოლის დირექტორების შეფასების ახალი სისტემის დანერგვას, საქართველოს ფინანსთა სამინისტროს მხრიდან ყველა ცენტრალური საბიუჯეტო ორგანიზაციის ფინანსური ანგარიშების მომზადებას სახელმწიფო სექტორში საერთაშორისო აღრიცხვისა და მოდიფიცირებული საკასო აღრიცხვის სისტემის მიხედვით და სხვა.
კომიტეტმა ასევე განიხილა რატიფიცირებისთვის 2014 წლის 9 ივლისს ხელმოწერილი „საქართველოსა და რეკონსტრუქციისა და განვითარების საერთაშორისო ბანკს შორის სასესხო ხელშეკრულება. (კონკურენტუნარიანობისა და ზრდის განვითარების პოლიტიკის მესამე ღონისძიების დაფინანსება)". ხელშეკრულების პროექტით გათვალისწინებულია დახლოებით 70 მილიონი აშშ დოლარის სესხის გამოყოფა 25 წლით, საიდანაც 10 წელი შეღავათიანი პერიოდია, ხოლო საპროცენტო განაკვეთი ცვალებადია და Libor- ზეა დაფუძნებული.
საგარეო ურთიერთობათა კომიტეტმა მეოთხე საკითხად რატიფიცირებისთვის წარმოდგენილი 2014 წლის 9 ივლისს ხელმოწერილი „საქართველოსა და რეკონსტრუქციისა და განვითარების საერთაშორისო ბანკს შორის სასესხო შეთანხმება (შიდასახელმწიფოებრივი და ადგილობრივი გზების მესამე პროექტი)" განიხილა.
ხელშეკრულებით მიხედვით, რეკონსტრუქციისა და განვითარების საერთაშორისო ბანკი საქართველოს გამოუყოფს 75 მილიონი აშშ დოლარის ოდენობის სესხს. სესხის ხანგრძლივობაა 25 წელი, მათ შორის 10 წელი შეღავთიანი პერიოდი, ხოლო საპროცნტო განაკვეთი ცვალებადია და Libor- ზეა დაფუძნებული. პროექტის ძირითადი მიზანია საქართველოს რეგიონებში წანასწარი შეფასებით დაახლოებით 200 კმ. სიგრძის შიდასახელმწიფოებრივი და ადგილობრივი გზების რეაბილიტაცია , რისთვისაც გათვალისიწნებულია 75 მილიონი აშშ დოლარის ოდენობის სესხის გამოყოფა. პროექტის განხორციელება ნავარაუდევია 2014-2018 წლებში.
საგარეო ურთიერთობათა კომიტეტმა მხარი დაუჭირა განხილული დოკუმენტების პარლამენტში რატიფიცირებას.