ერთ- ერთ მათგანს აქვს ე.წ, კანონიერი ქურდის სტატუსი და კრიმინალურ სამყაროში „კუწუს" ზედმეტსახელადაა ცნობილი (გიორგი ლობჟანიძე). უკრაინული მედიის ინფორმაციით, მეორე დაკავებულიც, ასვეე გავლენიანი კრიმინალური ავტორიტეტია, ზედმეტსახელად „კახელო" (გია ჯანიაშვილი).
„როგორც სამართალდამცავებმა გაარკვიეს ე.წ. კანონიერი ქურდი ბოლო დროს დონეცკის ოლქის ტერიტორიაზე ცხოვრობდა, სადაც მნიშვნელოვანი გავლენა ჰქონდა კრიმინოგებულ სიტუაციაზე და მძიმე დანაშაულების ჩამდენ დანაშაულებრივ დაჯგუფებებს აკონტროლებდა.
„კანონიერი ქურდი" ნიშნავდა „მაყურებლებს" სასჯელაღსრულების დაწესებულებებში და აღმოსავლეთ რეგიონების საოლქო და რაიონული მნიშვნელობის სხვა ადგილებში და აკონტროლებდა ე.წ. ობშიაკს",_ უკრანის შს სამინისტროს ორგანიზებულ დანაშაულთან ბრძოლის მთავარი სამმართველოს პრესსამსახური.
უკრაინული მედიის ინფორმაციით, ადრე „კუწუ" არაერთხელა არის ნასამართლები საქართველოსა და რუსეთის ფედერაციის ტერიტორიებზე და რამდენჯერმე არის დაკავებული უკრაინის ტერიტორიაზე.
2007 წელს მან უკრაინის მოქალაქეობა უკანონოდ მიიღო. შემოწმების შემდეგ „კუწუს" მოქალაქეობა გაუქმდა და ის ქვეყნის ტერიტორიის ფარგლებს გარეთ გააძევეს.
„ახლა ის დაბრუნდა უკრაინაში თავის ნათესავთან ერთად, რომელსაც ასევე დიდი გავლენა აქვს კრიმინალიტეტს შორის იმის გამო, რომ მას ნებისმიერი დანაშაულის ჩადენა ძალუძს. „კახელო" ადრე არაერთგხის ნასამართლებია, მათ შორის განზრახ მკვლელობისთვის. უკრაინაში ის ასევე არალეგალურად შევიდა.
უკრანის შს სამინისტროს ორგანიზებულ დანაშაულთან ბრძოლის მთავარი სამმართველოს პრესსამსახური იუწყება, რომ „სეპარატისტული გამოვლინებების დაწყების შემდეგ დამნაშავეებმა რამდენიმე საკუთარი ჯგუფი შექმნეს ტერორისტული ორგანიზაცია „დონეცკის სახალხო რესპუბლიკის" შემადგენლობაში.
მათი ძირითადი ამოცანა იყო მოროდიორობა,ყაჩაღობა და სხვა მძიმე დანაშაულები, მათ შორის დიდი რაოდენობით იარაღის შეგროვება.
ამჟამად დამნაშავეები, უცხო ქვეყნის მოქალაქეების დროებითი დაკავების ადგილას არიან მოთავსებულნი. სამართალდამცავები 5 წლის ვადით, ქვეყნის ტერიტორიიდან მათ გასაძევებლად საჭირო მასალებს აგროვებენ.