,,ბატონო გივი თქვენ ქურდი ხართ?-კარგად ერკვევით ქურდულ სამყაროში, ყოველ შემთხვევაში წარსულ ცხოვრებაში, მანამ სანამ ხელისუფლებაში იყავით", _მიმართა პრემიერმა ირაკლი ღარიბაშვილმა ,,ნაცმოძრაობის" დეპუტატს გივი თარგამაძეს, რომელმაც ხელისუფლება ,,ქურდულ სამყაროსთან" კავშირში დაადანაშაულა.
ღარიბაშვილმა თარგამაძის ამ ბრალდებას უზნეო უწოდა და აღნიშნა, რომ თარგამაძე კანონიერი ქურდების მეგობარია.
,,ამ დემაგოგიაზე კომენტარის გაკეთება, უბრალოდ, არის უზნეობა და აქ მახსენდება ებრაული ანდაზა: როცა უღირსად გელაპარაკებიან და სიცრუეს გაბრალებენ არ უნდა აყვე კამათში, რადგან მესამე პირი განსხვავებას ვერ გაარჩევს ამ ორ ადამიანს შორის. Aამიტომ ამ უსაფუძვლო, უზნეო ტყუილებსა და ბრალდებებზე მე უბრალოდ საჭიროდ არ ვთვლი რაიმე კომენტარის გაკეთებას. ცნობილი ფაქტია ბატონო გივი, რომ თქვენ იყავით და ხართ კანონიერი ქურდების ცნობილი მეგობარი. თუნდაც, უკრაინაში_თუ როგორ აპირებდით არჩვნების ჩატარებას კანონიერი ქურდების დახმარებით და ახლაც გაქვთ სეროზული მეგობრობა კანონიერ ქურდებთან. Kკიდევ ერთხელ მინდა საზოგადოება განუმარტო, რომ ჩვენ დღეს აქ რომ ვდგავართ არ გელაპარაკებით ისე როგორც იმსახურებთ. ჩვენ პასუხისმგებლობა გვაქვს საკუთარი ამომრჩევლის წინაშე და საკუთარი ქვეყნის წინაშე", - განაცხადა ღარიბაშვილმა.