პრეზიდენტის მრჩეველი ეთნიკური უმცირესობების საკითხებში სოფიო შამანიდი დღეს ამერიკის შეერთებული შტატების საელჩოს პოლიტიკური და ეკონომიკური საკითხების განყოფილების ხელმძღვანელს ვიქტორია ტეილორს შეხვდა.როგორც ,,ჯი-ეიჩ-ენს" პრეზიდენტის ადმინსიტრაციიდან აცნობეს სოფიო შამანიდმა და ვიქტორია ტეილორმა საქართველოში ეთნიკური და რელიგიური უმცირესობების მდგომარეობასა და ამ საკითხის მიმართ სახელმწიფო ინსტიტუტების დამოკიდებულების შესახებ ისაუბრეს.
შეხვედრის ერთ-ერთი მთავარი თემა ის პროექტები იყო, რომლებსაც ამერიკის საელჩო ეროვნული და რელიგიური უმცირესობების საკითხებთან დაკავშირებით ახორციელებს.
ამას გარდა, საუბარი შეეხო 19 ივლისს სომხურ ეკლესიასთან მომხდარ ფაქტს. მხარეებმა იმედი გამოთქვეს, რომ გამოძიება მალე დასრულდება და პასუხი გაეცემა იმ შეკითხევს, რომლებიც საზოგადოებას ინციდენტთან დაკავშირებით გაუჩნდა.
სოფიო შამანიდმა და ვიქტორია ტეილორმა ყურადღება თანამშრომლობის გაღრმავებასა და ურთიერთობის პერსპექტივებზეც გაამახვილეს.
