პრემიერ-მინისტრმა ირაკლი ღარიბაშვილმა საკუთარი არჩევანი მეუღლესთან ერთად, ფალიაშვილის უჩაზე მდებარე # 59-ე უბანზე გააკეთა. როგორც პრემიერმა განაცხადა მნიშვნელობა არ აქვს ვინ გაიმარჯვებს არჩევნებში, მთავარია, ხელისუფლებამ დაამტკიცა, რომ მოწოდებულია ააშენოს რეალური დემოკრატია.
,, ჩვენ დავამტკიცეთ, რომ მოწოდებული ვართ რეალური დემოკრატია ავაშენოთ ჩვენს ქვეყანაში და ეს არის ყველაზე მნიშვნელოვანი. მნიშვნელობა არ აქვს ვინ გაიმარჯვებს ამ არჩევნებში, მიუხედავად იმისა, რომ ჩვენ ყველგან ვლიდერობთ და ყველგან გავიმარჯვეთ. დღეს დასრულდება არჩევნები და საბოლოო შედეგებს გავიგებთ, მაგრამ ჩემთვის მნიშვნელობა აქვს, რომ ჩვენმა ქვეყანამ გაიმარჯვოს. ეს არის ყველაზე მთავარი ჩვენი ქვეყნის მომავალი განვითარებისთვის", _განაცხადა ღარიბაშვილმა.
მისივე განცხადებით, მან ხმა მისცა ქვეყნის განვითარებასა და წინსვლას.
,,ხმა მივეცი იმას, რომ ერთხელ და სამუდამოდ საქართველოში დასრულდეს საბოტაჟი, კოჰაბიტაცია და ანტისახელმწიფოებრივი ქმედება", _განაცხადა პრემიერმა.
