,,ნაცმოძრაობა" წყალტუბოს მუნიციპალიტეტის გამგეობისა და საკრებულოს წევრების მხრიდან აღებულ პრემიებზე საუბრობს.როგორც პარტიის წევრმა ირმა ნადირაშვილმა განაცხადა წყალტუბოს მუნიციპალიტეტის საკრებულოს გადაწყვეტილებით ცვლილება შევიდა 2013 წლის 23 დეკემბრის #34 დადგენილებაში წყალტუბოს მუნიციპალიტეტის 2014 წლის ბიუჯეტში შესახებ, რის შემდეგ გამგეობისა და საკრებულოს წევრება მნიშვნელოვანი რაოდენობის პრემიები მიიღეს.

,,დღეს კიდევ ერთხელ გვინდა დავუბრუნდეთ „ქართული ოცნების" მთავრობის მიერ აღებულ პრემიების თემას. 2014 წლის 20 ივლისს წყალტუბოს მუნიციპალიტეტის საკრებულოს გადაწყვეტილებით ცვლილება შევიდა 2013 წლის 23 დეკემბრის #34 დადგენილებაში წყალტუბოს მუნიციპალიტეტის 2014 წლის ბიუჯეტში შესახებ. ამ ცვლილებებიდან განსაკუთრებით აღსანიშნავია შემდეგი: „ქართული ოცნების" ხელისუფლებამ 55 857 ლარი ამოიღო საბავშვო ბაღების რეაბილიტაციის მუხლიდან, კერძოდ გეგუთის საბავშვო ბაღი - 11 865 ლარი, ახალი საყულიის საბავშვო ბაღი 6 992 და 9 აპრილის 1-ლი შესახვევში #2-ში ბაღი 37 000 ლარი. ამ თანხის მნიშვნელოვანი ნაწილი მიმართეს წყალტუბოს მუნიციპალიტეტის გამგეობისა (22 680 ლარი) და საკრებულოს (18 500 ლარი) მომუშავეთა ანაზღაურებასა და პრემიებში", _განაცხადა ნადირაშვილმა.