აპრილ-ივნისში წინა წლის იმავე პერიოდთან შედარებით ქვეყანაში სარეგისტრაციო ტრანზაქციების რაოდენობა 3.0%-ით გაიზარდა და 127 450 ერთეული შეადგინა (23 945 პირველადი და 103 505 მეორადი ტრანზაქცია).
საჯარო რეესტრის ეროვნული სააგენტოს ინფორმაციით, 2014 წლის მეორე კვარტალში ტრანზაქციების მთლიან რაოდენობაში 18.8%-ს პირველადი, ხოლო 81.2%-ს მეორადი ტრანზაქციები შეადგენდნენ.
სააგენტოს ინფორმაციითვე, დაახლოებით მსგავსი ტენდენცია დაფიქსირდა წინა წლის მეორე კვარტალშიც: 19.7% - პირველადი ტრანზაქციები და 80.3% - მეორადი ტრანზაქციები.
„აშკარაა, რომ წინა წლის იმავე პერიოდთან შედარებით პირველადი ტრანზაქციების რაოდენობა მეორე კვარტალში 1.6%-ით შემცირდა, ხოლო მეორადი ტრანზაქციების რაოდენობა - 4.2%-ით გაიზარდა"- აცხადებენ საჯარო რეესტრის ეროვნული სააგენტოში.
იმავდროულად, წინა კვარტალთან შედარებით პირველადი ტრანზაქციების რაოდენობა 2014 წლის აპრილივნისში 16.2%-ით, ხოლო მეორადი ტრანზაქციების რაოდენობა - 5.3%-ით გაიზარდა. ამავე პერიოდში სარეგისტრაციო ტრანზაქციების მთლიანი რაოდენობა პირველ კვარტალთან შედარებით 7.2%-ით გაიზარდა.
