მთავრობა თბილისისა და ბათუმის საერთაშორისო აეროპორტების მმართველ კომპანია "TAV Georgia"-სთან, უკვე გადახედილ ხელშეკრულებას ივლისის ბოლომდე მოაწერს ხელს. როგორც ეკონომიკისა და მდგრადი განვითარების მინისტრმა გიორგი კვირიკაშვილმა განაცხადა, ახალი ხელშეკრულება "TAV Georgia" -ს კონკრეტულ ვალდებულებებს აკისრებს.
„"TAV Georgia"-თან დაკავშირებით, ჩვენ საკმაოდ რთული მოლაპარაკებები გქვონდა. IATA-ს ექსპერტთა დასკვნამ აჩვენა, რომ ჩენი ბევრი პრეტენზია იყო აბსოლიტურად სწორი. სამწუხაროდ, კომპანიამ არ გააკეთა ყველაფერი, რაც შეეძლო, იმისათვის, რომ საქართველოს ერთ-ერთი უმთავრესი ინფრასტრუქტურული ობიექტის, თბილისის საერთაშორისო აეროპორტის პოტენციალი სრულყოფილად ყოფილიყო ათვისებული. ივლისის ბოლომდე ვგეგმაბვთ, რომ განახლებულ ხელშეკრულებას მოვაწეროთ ხელი, რაც "TAV Georgia" -ს ძალიან კონრეტულად დაავალდებულებს იმ ნაბიჯების გადადგმას, რაც საჰაერო სატრანზიტო პოტენციალს კიდევ უფრო გაზრდისკენ იქნება მიმართული"- აღნიშნა კვირიკაშვილმა.
აღსანიშნავია, რომ "TAV Georgia" -თან გაფორმებული საჯარო კერძო პარტნიორობის ხელშეკრულება სახელმწიფოს მასში ახალი კორექტივების შეტანის უფლებას აძლევს.
შეგახსენებთ, რომ "TAV Georgia" „TAV Airports Holding"-ის შვილობილი კომპანიაა და მისი მოღვაწეობა საქართველოში 2005 წლიდან დაიწყო. საქრთველოში განხორციელებული 100 მილიონზე მეტი აშშ დოლარის ინვესტიციის შედეგად 2007 წელს ექსპლუატაციაში შევიდა თბილისისა და ბათუმის საერთაშორისო აეროპორტების ახალი სამგზავრო ტერმინალები. „ტავის" მიერ მსოფლიოს სხვადასხვა ქვეყანაში განხორციელებული მრავალმილიონიანი ინვესტიციის, აეროპორტების ორერირებაში მრავალწლიანი გამოცდილებისა და გონივრული მენეჯმენტის წყალობით ის ერთ-ერთი სანდო, სტაბილურ და დინამიურ კომპანიად ჩამოყალიბდა საქართველოში.
„TAV Airports Holding" ასევე ოპერირებას უწევს სტამბოლის, ანკარის, იზმირის, ალანიის საერთაშორისო აეროპორტებს თურქეთში, მაკედონიაში არსებულ 2 აეროპორტსა და 2 აეროპორტს ტუნისში. 2012 წლიდან ჰოლდინგმა დაიწყო საუდის არაბეთის მედინას აეროპორტის ოპერირებაც. „TAV Airports Holding" ოპერირებას უწევს კომერციულ ობიექტებს ლატვიაში, რიგის საერთაშორისო აეროპორტში.