„ჩვენი სურვილია, რომ პორტი კერძო კაპიტალით აშენდეს, თუმცა როგორც სტრატეგიულ ობიექტში, ხელშეკრულებაში გათვალისწინებული იქნება ის მუხლები, რომელიც საუკეთესო საერთაშორისო პრაქტიკითაა გათვალისწინებული. ეს იქნება ღმაწყლოვანი პორტი, რომლის განვითარებაც მოხდება რამდენიმე ფაზის შედეგად. პირველი ფაზა არის 3 წლიანი და ითვალისწინებს საქართველოს გადაზიდვების პოტენციალის გაორმაგებას. დღეს საკონტეინერო გადაზიდვები არის დაახლოებით 400 ათასი კონტეინერი და ჩვენ გვინდა რომ კიდე 0,5 მლნ კონტენინერი დაემატოს. შემდეგი მეორე ფაზა ეს იქნება უკვე გადაზიდვების გასამმაგდება ხოლო 12 წლის განმავლობაში გათვალისწინებულია 40 მლნ ტონა ტვირთის გატარება.
შემდეგი განვითარება უკვე დაეფუძნება შემდგომ კვლევებს, რომლის შემდეგაც სიმძლავრეებს კომპანია განავითარებს შემდგომ"- განაცხადა კვირიკაშვილმა.

მინისტრის თქმით, პორტის მშენებლობის პირველი და მეორე ფაზის განსახორციელებლად 700 მლნ-დან 900 მლნ დოლარამდე ინვესტიცია იქნება საჭირო. კვირიკაშვილის განმარტებით, პირველი ფაზის მშენებლობა 3 წელიწადში უნდა დასრულდეს. მინისტრის განმარტებითვე, მთლიანი პროექტი მოიცავს 7 ფაზას, თუმცა 3 ფაზა არის სავალდებულო, ხოლო შემდგომი ფაზები უკვე დამოკიდებულია მიზანშეწნილობის კვლევაზე.
პროექტის მიხედვით, ანკლიის პორტის მშენებლობა რამდენიმე ეტაპისგან შედგება. 12 წლის ვადაში მან 40 მლნ ტონა ტვირთის გამტარუნარიანობას უნდა მიაღწიოს, აქედან მესამე და მეშვიდე წელს, შესაბამისად, 7 და 20 მლნ ტონა ტვირთის, 12 წლის თავზე კი 40 მლნ ტონის გამტარუნარიანობას.

ყოველ მომდევნო ეტაპის მოსამზადებელი ტექნიკურ-ეკონომიკური დასაბუთება უნდა მოამზადოს საერთაშორისო საკონსულტაციო კომპანიამ. პორტმა მინიმუმ 6500 კონტეინერით დატვირთული გემის მიღება.
მთლიანობაში პორტის გამტარუნარიანობა 100 მლნ ტონა იქნება.
პორტის მშენებლობაზე ინტერესთა გამოხატვის პროცედურაზე ინფორმაცია ეკონომიკისა და მდგრადი განვითარების სამინისტროს ვებ-გვერდზე განთავსდება. ეკონომიკის სამინისტროს ცნობით, ამის შემდეგ კი ნებისმიერ ინვესტორს ექნება შესაძლებლობა სამინისტროს წარუდგინოს შესაბამისი დოკუმენტაცია და ოფიციალურად დააფიქსიროს თავისი ინტერესი. ანაკლიის პორტის მშენებლობაზე ინტერესეთა გამოხატვის მიღების ბოლო ვადა 2014 წლის 1 ოქტომბერია.
ანაკლია ღრმაწყლოვანი პორტისთვის საუკეთესო ადგილად კვლევის შედეგად შეირჩა, რომელიც საერთაშორისო გამოცდილების მქონე საინჟინრო საკუნსულტაციო იაპონურმა კონსორციუმმა Oriental Consultants Compaly Ltd საპარტიორო ფონდის დაკვეთით, შეარჩა.
შესწავლილი იქნა შავი ზღვის სანაპიროზე ენგურსა და ჭოროხს შორის 10 ლოკაცია. ალტერნატიულ ლოკაციებთან შედარებით მისი უპირატესობა მდგომარეობს იმაში, რომ ნავსადგურს სტრატეგიული მდგომარეობა, დიდი გემების მიღების შესაძლებლობა და მაღალი გამტარუნარიანობა აქვს, ასევე გააჩნია ლოჯისტიკური სერვისების შესაძლებლობა და ინდუსტრიული კლასტერის შექმნის პოტენციალი. ამასთან ანაკლიის ადგილმდებარეობა გამოირჩევა, კონკურენტული უპირატესობებით, მსგავსი მასშტაბის ინფრაქტრუქტურული ობიექტის მშენებლობა ქვეყბნისთვის უმნიშვნელოვანესია და მისი ამოქმედება საქართველოს სატრანზიტო პოტენციალს ახალ დონეზე აჰყავს. აპარტნიორო ფონდში მიიჩნევენ, რომ აღნიშნული პროექტი ხელს შეუწყობს საქართველოს სატრანსპორტო, სატრანზიტო და ინფრასტუქტურული პოტენციალის ამაღლებას და ახალი სამუშაო ადგილების შექმნას.