ევროაკავშირთან ასოცირების ხელშეკრულება საქართველოს ხელისუფლებას ბავშვთა სიღარიბის წინააღმდეგ შესაბამისი ზომების მიღებასა და მოწყვლადი ჯგუფების ბავშვებისთვის შედარებით მაღალი პრიორიტეტის მინიჭებას ავალდებულებს.
ამასთან ასოცირების დღის წესრიგში აღნიშნულია, რომ უნდა გაგრძელდეს არასრულწლოვანთა მართლმსაჯულების რეფორმა, ადამიანის უფლებათა ეროვნულ სტრატეგიასა და სამოქმედო გეგმაში ბავშვთა უფლებების თვალსაჩინოდ ჩართვა; სახალხო დამცველის როლის გაძლიერება და მისი შესაბამისი რესურსებით უზრუნველყოფა, ბავშვთა საკითხებზე მუშაობისა და შესაბამის ინსტიტუტებში არსებული სიტუაციის მონიტორინგის გაგრძელების მიზნით;ძალადობის ყველა ფორმისგან ბავშვების დასაცავად შესაბამის ზომებზე ყურადღების გამახვილება.
