დღეიდან უკრაინაში ძალაში შედის კანონი „ოკუპირებული ტერიტორიების შესახებ". ინფორმაციას ამის შესახებ უკრაინული მედია ავრცელებს.
რუსეთი კანონის მიხედვით აღიარებულია ოკუპანტად და მას ეკისრება პასუხისმგებლობა უკრაინელი მოქალაქეების უფლებებისა და თავისუფლებების დარღვევაში ყირიმის ტერიტორიაზე.
კანონის მიხედვით, ყირიმი - დროებით ოკუპირებულ ტერიტორიად ცხადდება.
კანონი ასევე არეგულირება ოკუპირებულ ტერიტორიაზე საკუთრების უფლებებს: საკუთრების უფლების მინიჭება ან შეწყვეტა უკრაინის კანონმდებლობის თანახმად ოკუპურებულ ტერიტორიაზე მის ფარგლებს გარეთ უნდა იყოს გაფორმებული.
დოკუმენტში ასევე გაწერილია პენსიებისა და დახმარებების გაცემის ნორმა უმუშევართათვის, რომლებიც ოკუპირებულ ტერიტორიაზე იმყოფებიან. კანონის მიხედვით მათ თანხას უკრაინის სახელმწიფო გადაუხდის, იმ შემთხვევაში თუ მათ უარი თქვეს რუსეთიდან ამგვარი დახმარებების მიღებაზე.
ამას გარდა, დოკუმენტი ასევე არეგულირებს ყირიმში გადაადგილების საკითხს. უკრაინის მოქალაქეებს აქვთ უფლება თავისუფლად შევიდნენ და გამოვიდნენ ყირიმის ტერიტორიაზე და საკონტროლო გამშვებ პუნქტთან მხოლოდ პასპორტი წარადგინონ. ხოლო რაც შეეხება უცხო ქვეყნის მოქალაქეების შესვლას ოკუპირებულ ტერიტორიაზე ამისათვის სპეციალური ნებართვა იქნება საჭირო.
