უკრაინის პრეზიდენტის მოვალეობის შემსრულებელი ალექსანდრე ტურჩინოვი აცხადებს, რომ კრამატორსკთან ახლოს ბოევიკების ბაზა გაანადგურეს.
„წუხელ დონეცკის ოლქის ქალაქ კრამატორსთან ახლოს ანტიტერორისტული ოპერაციის ფარგლებში განადგურებულია ტერორისტების შენიღბული ბაზა",_ აცხადებს ტურჩინოვი.
მისივე თქმით, ამას გარდა, სლავიანსკში ასევე იერიში იქნა მიტანილი და ბოევიკთაგან სრულიად გაწმენდილი და განადგურებულია ბოევიკების მიერ გამაგრებული რაიონი.
ტურჩინოვის ინფორმაციით, სრულად დაცულია ტელეანძის ირგვლივ მდებარე 5 კილომეტრიანი ზონა, საიდანაც უკრაინული ტელეარხების ტრანსლირება ხდება კრამატორსკზე, სლავიანსკზე და დონეცკის სხვა რეგიონებზე.
უკრაინის თავდაცვის სამინისტროს მიერ გავრცელებული ინფორმაციით, აღნიშნული ანტიტერორისტული ოპერაციების შედეგად უკრაინელ სამხედროთა შორის მსხვერპლი არ არის.