ეკონომიკის განვითარების ცენტრის ხელმძღვანელი, ეროვნული ბანკის ყოფილი პრეზიდენტი რომან გოცირიძე "ჯი-ეიჩ-ენთან" საუბარში ქართულ არჩევნებში რუსული ფული არსებობაზე საუბრობს და აცხადებს, რომ ზოგიერთ პარტიას არ აწყობს დამფინანსებლის გასაჯაროება, ვინაიდან ეს უკანონო ფული შეიძლება იყოს რუსეთიდან შემოსული შავი ფული.
"იქ მრავალი ფონდია, შექმნილი ქართველი ბიზნესმენების სახელით, რომლებიც საქართველოში მცირეოდენ პროექტებსაც აფინანსებენ, მაგრამ მათი მთავარი ამოცანა საქართველოში რუსული პოლიტიკის გატარებაა. ამაში უხდიან ფულს და აძლევენ ფულის შოვნის შანსს. ისინი ეხმარებიან პრორუსულ პარტიებს, მედიასაშუალებებს, „ექსპერტებს". სინამდვილეში ეს რუსეთის ხელისუფლების ფულია . ქართული წარმოშობის თითქმის ყველა პოლიტიკურად აქტიური რუსეთში მოღვაწე ბიზნესმენი თუ ხელისუფლებასთან დაახლოებული კულტურის მუშაკი რუსეთის გავლენის აგენტია. რუსეთის ინტერესების საქართველოში გატარებისათვის აძლევენ მათ სასათბურე პირობებს, ხელს უწყობენ ბიზნესში, აჩენენ რუსულ ტელესივრცეში. საქართველო მათთვის მხოლოდ ბიზნესია, კარიერის გაკეთების, ფულის შოვნის შესაძლებლობა, რუსეთის ხელისუფლებისადმი ერთგულების დემონსტრირების სანაცვლოდ", - აცხადებს გოცირიძე.
