საქართველოს პრემიერ-მინისტრმა ირაკლი ღარიბაშვილმა ევროპული საბჭოს პრეზიდენტ ჰერმან ვან რომპეისთან პირისპირი შეხვედრა გამართა.
პრემიერის პრესსამსახურის ინფორმაციით, მხარეებმა ევროკავშირთან თანამშრომლობის აქტუალური საკითხები, მათ შორის, „აღმოსავლეთ პარტნიორობის" რიგის სამიტამდე განსახორციელებელი გეგმები განიხილეს.
საქართველოს მთავრობის მეთაურმა მადლობა გადაუხადა ჰერმან ვან რომპუის საქართველოში ვიზიტისთვის, რაც, მისი თქმით, კიდევ ერთხელ ადასტურებს ევროკავშირის განსაკუთრებულ ინტერესს საქართველოსადმი და წარმოადგენს ევროკავშირის მტკიცე პოლიტიკური მხარდაჭერის დემონსტრირებას.
