ადამიანის უფლებათა დაცვის საპარლამენტო კომიტეტის თავმჯდომარე ეკა ბესელია მოწმეთა სასამართლოში დაკითხვის წესის მაისიდან ამოქმედების ინიციატივის წინააღმდეგ ხმის მიცემას არ აპირებს.
საპარლამენტო კომიტეტის დღევანდელ სხოდმაზე "ერთიანი ნაციონალური მოძრაობის" მიერ ინიცირებული კანონპროექტი განიხიხილეს, რომელიც მოწმეთა სასამართლოში დაკითხვის წესის ამოქმედების ვადის მაისის თვეში გადმოწევას ითვალისწინებს.
მთავრობის ინიციატივით კი, მოწმეთა სასამართლოში დაკითვის წესი 2015 წლის 31 დეკემბრამდეა გადავადებული.
საკითხის განხილვის დროს "ნაციონალური მოძრაობის" წევრების მხრიდან ითქვა, რომ მოწმის დაკითხვის დღევანდელი წესი საგამოძიებო პროცესის სწორად და სრულყოფილად წარმართვაზე უარყოფითად აისახება.
ამასთან, უმცირესობის წარმომადგენლება ამ კონტექსტში შალვა თათუხაშვილის, თბილისის მერიის 23 თანამშრომლის დაკავების და სხვა გახმაურებული საქმეები დაასახელეს.
განხილვის ბოლოს "ნაციონალური მოძრაობის" საკანონმდებლო წინადადებას კომიტეტის ხუთმა წევრმა დაუჭირა მხარი, ექვის დეპუტატი უმრავლესობის შემადგენლობიდან წინააღმდეგ წავიდა.
კომიტეტის თავმჯდომარის ეკა ბესელიას განცხადებით, ის ხმას პროექტის წინააღმდეგ არ მისცემს, ხოლო ხმის მიცემის პროცესში პოზიციის დაფიქსირებისგან თავი შეიკავა.
