საფრანგეთის პრეზიდენტი ფრანსუა ოლანდი საქართველოს ესტუმრა. საფრანგეთის პრეზიდენტმა საქართველოში ვიზიტი პრემიერ-მინისტრ ირაკლი ღარიბაშვილთან შეხვედრით დაიწყო. საქართველოს მთავრობის მეთაური სტუმარს მთავრობის ადმინისტრაციის შესასვლელში შეეგება და მადლობა გადაუხადა საქართველოში ვიზიტისთვის.
ამ წუთებში მიმდინარეობს საქართველოს პრემიერ-მინისტრის პირისპირ შეხვედრა საფრანგეთის პრეზიდენტთან, რომლის დასრულების შემდეგ გაიმართება გაფართოებული ფორმატის შეხვედრა, მოგვიანებით კი დაგეგმილია საქართველო-საფრანგეთის ეკონომიკური ფორუმის დახურვაში მონაწილეობა.
