თურქეთის ენერგეტიკის მინისტრის თანერ ილდიზისგანმარტებით , TANAP -ი, რომელიც მეტად მნიშვნელოვანი პროექტია ქვეყნის განვითარებას კიდევ უფრო შეუწყობს ხელს.
„პროექტი მეტად მნიშვნელოვანია და მისით უფრო და უფრო მეტი უცხოური კომპანიები ინტერესდებიან"- განაცხადა მინისტრმა.
შეგახსენებთ, რომ TANAP -ის გაზსადენი სიგრძე 2 ათასი კმ იქნება და ის აზერბაიჯანიდან საქართველოს გავლით გაზს თურქეთში , ხოლო თურქეთიდან კი ევროპაში გაატარებს.
როგორც ცნობილია, TANAP -ის მშენებლობა 2014 წელს უნდა დაიწყოს. თურქეთსა და აზერბაიჯანს შორის პროექტის განხორციელებაზე შესაბამისი ხელშეკრულებები უკვე გაფორმებულია. პროექტის რეალიზაციისთვის საკანონმდებლო ბაზაც მოსაწესრიგებელია და რაზეც მუშაობა უკვე დაწყებულია. გაზსადენის მშენებლობა, პროექტის თანახმად, 2017 -2018 წლებში უნდა დასრულდეს. საწყის ეტაპზე მილსადენით 16 მლრდ კუბ/ მ ბუნებრივი აირის გატარებაა დაგეგმილი, ხოლო 2023 წლისთვის გაზსადენის გამტარუნარიანობა 23 მლრდ კუბ/ მ-მდე უნდა გაიზარდოს. 2026 წლიდან კი გაზსადენმა, გეგმის მიხედვით წელიწადში 31 მლრდ კუბ/ მ ბუნებრივი აირი უნდა გაატაროს.
TANAP -ი განკუთვნილია აზერბაიჯანული გაზის თურქეთში ტრანსპორტირებისთვის. უნდა აღინიშნოს, რომ TANAP -ი Nabucco -ს ალერნატივადაა მიჩნეული.