,,ეროვნულ-დემოკრატიული ინსტიტუტის" (NNDI) მიერ ჩატარებული კვლევის თანახმად, გამოკითხულთა 39% არ ამართლებს სახელმწიფო ბიუჯეტიდან 4, 5 მილიონი ლარის გამოყოფას ოთხ რელიგიურ კონფესიაზე. NDI-ის კითხვაზე ,,ამართლებთ თუ არა იმას, რომ სახელმწიფო ბიუჯეტიდან გამოიყო 4, 5 მილიონი ლარი, რომელიც გადანაწილდება ოთხ რელიგიურ კონფესიაზე:კათოლიკური ეკლესია, სომხური სამოციქულო ეკლესია, ისლამური თემი და იუდეური თემი? " გამოკითხულთა 39% არ ამართლებს, 31% ამართლებს.
ამასთან რესპონდენტთა 75% აღნიშნული ფაქტის შესახებ არაფერი იცის, გამოკითხულთა 18% ამის შესახებ ინფორმირებულია.
ამავე დროს, რესპონდენტთა 55% ამართლებს, იმ ფაქტს, რომ ქართული მართლმადიდებლური ეკლესია სახელმწიფო ბიუჯეტიდან 25 მილიონ ლარს იღებს, ხოლო გამოკითხულთა 21%-ის აღნიშნული მიუღებელია.
NDI-ის კვლევის საველე სამუშაოები ჩატარდა 26 მარტიდან 18 აპრილის პერიოდში საქართველოს მასშტაბით 3,942 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარებისა და თანამშრომლობის სააგენტო (Sida) და ატარებს CRRC საქართველო. კვლევაში ცდომილების ზღვარი +-2, 1%.
