ანგარიში კანონმდებლებს მინისტრმა ნუგზარ სურმანიძემ წარუდგინა. „ყველა ვალდებულება, რაც სამინისტრომ მოსახლეობის წინაშე აიღო შესრულებულია, ზოგიერთ შემთხვევაში გადაჭარბებით, რადგან მაღალია მოსახლეობის მომართვიანობა. ჳ კვარტლის განმავლობაში სამინისტროს პროგრამების ფარგლებში მკურნალობა 2 274 პაციენტს დაუფინანსდა, რისთვისაც გაიხარჯა 1 549 845 ლარი. სამედიცინო მომსახურების მისაღებად თანხები რესპუბლიკური ბიუჯეტის სარეზერვო ფონდიდანაც გაიცა, აღნიშნულ შემთხვევაში თანხამ 51 737 ლარი შეადგინა და 6 პაციენტის მკურნალობას მოხმარდა. მოსახლეობისათვის სამედიცინო მომსახურების მიწოდების მიზნით სამინისტროს ხეშეკრულება გაფორმებული აქვს 346 სამედიცინო დაწესებულებათან. ჳ კვარტლის მიმდინარეობისას შეფერხება მხოლოდ სოფლის ექიმამდელი დახმარების პროგრამის განხორციელებაში შეგვექმნა, რადგან ბაზარზე შესახვევი მასალების ფასები შეიცვალა. ეს პრობლემა უახლოეს დღეებში გადაწყდება."-განცხადა ნუგზარ სურმანიძემ.
მინისტრმა სხდომაზე სამინისტროს მიერ განხორციელებულ სხვა მნიშვნელოვან ღონისძიებებზეც ისაუბრა. სამინისტროს ძალისხმევით თურქეთის რესპუბლიკაში სტაჟირებაზე გაიგზავნა სამედიცინო ფაკულტეტის 7 კურსდამთავრებული, 1 მოქმედი ექიმი კვალიფიკაციის ასამაღლებელად. მოლაპარაკებები გაიმართა პოლონურ მხარესთან, რომლის საფუძვლზე აჭარიდან პოლონეთში გადამზადების კურსს გაივლიან რევმატოლოგები და ონკოლოგები და სხვა.
სხდომაზე მინისტრის მოადგილემ რამაზ ჯინჭარაძემ წარადგინა "აჭარის ავტონომიური რესპუბლიკის ტერიტორიაზე სტიქიის შედეგად დაზარალებულ ოჯახებზე დახმარების კრიტერიუმები", ხოლო აჭარის ავტონომიური რესპუბლიკის დასაქმების სააგენტოსა და აჭარის ავტონომიური რესპუბლიკის საზოგადოებრივი ჯანდაცვის ცენტრის ხელმძღვანელებმა ჳ კვარტლის მუშაობის ანგარიში.
ჯანდაცვის კომისიის გაფართოებულ სხდომას კომისიის წევრებთან ერთად უმაღლესი საბჭოს თავმჯდომარე ავთანდილ ბერიძეც ესწრებოდა. კანონმდებლებმა სამინისტროსა და საქვეუწყებო დაწესებულების მიერ წარდგენილი ანგარიში ცნობად მიიღეს.