სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესი ილია მეორე საქმიანი ვიზიტით თურქეთში იმყოფება.
დღეს უწმინდესი, ვიზიტის ფარგლებში, სოფელ ჰოშდერეში მცხოვრებ ლაზებს შეხვდა, რის შემდეგაც ტრაბზონში გაემგზავრა. ხვალ კი საქართველოს კათოლიკოს-პატრიარქი შეხვედრებს ანკარაში გამართავს.
შეგახსენებთ, რომ თურქეთში ვიზიტის ფარგლებში პატრიარქმა ქემალფაშაში მაკრიალის ეკლესია, დაბა ფინდიკლში აღდგენილი ლაზური საცხოვრებელი სახლი და დაბა ფაზარში თამარის ციხე მოინახულა.
