განათლებისა და მეცნიერების მინისიტრის თამარ სანიკიძის განცხადებით, მთავრობის დღევანდელი სხდომის გადაწყვეტილებით უნივერსიტეტებსა და კვლევით დაწესებულებებს სამეცნიერო ელექტრონულ ბაზასთან წვდომის შესაძლებლობა ექნებათ.
" გადავწყვიტეთ, რომ უნივერსიტეტებს და კვლევით დაწესებულებებს შევუძინოთ სამეცნიერო ელექტრონულ ბაზასთან წვდომა. ესაა საკმაოდ ძვირი სიამოვნება მაგრამ, ვფიქრობთ, საჭიროა, რომ უნივერსიტეტებს და კვლევით დაწესებულებებს ჰქონდეთ უახლეს სამეცნიერო ინფორმაციასთან წვდომა, იყვნენ პროცესში ჩართულები და თვითონაც შეძლონ თავიანთი პუბლიკაციების განთავსება. ეს არის წინ გადადგმული ნაბიჯი. აღნიშნული მოთხოვნა დიდი ხნის განმავლობაში არსებობდა და ვფიქრობ, უნივერსიტეტები და კვლევითი ცენტრები აღნიშნულ შესაძლებლობას ეფექტურად გამოიყენებენ", - განაცხადა სანიკიძემ.
