საქართველოს მთელს ტერიტორიაზე 4 მაისამდე არამდგრადი ამინდი შენარჩუნდება. როგორც ,,ჯი-ეიჩ-ენთან" საუბარში გარემოს ეროვნული სააგენტოს სინოპტიკოსმა დოდო გვაზავამ განაცხადა არამდგრადი ამინდის მიუხედავად ტემპერატურის მნიშვნელოვანი ცვლილება მოსალოდნელი არ არის.
,,4 მაისამდე საქართველოში არამდგრადი ამინდი შენარჩუნდება. ეს ნიშნავს იმას, რომ დროგამოშვებით მოსალოდნელია ხანმოკლე წვიმა ელჭექით. თუმცა ტემპერატურის მნიშვნელოვანი ცვლილება მოსალოდნელი არ არის და ჰაერი 20-25 გრადუსამდე გათბება", _განაცხადა ,,ჯი-ეიჩ-ენთან" საუბარში დოდო გვაზავამ.
მისივე განცხადებით, წვიმაა მოსალოდნელი თბილისშიც.
,,თბილისშიც გამორიცხული არ არის საღამოსა და ღამის საათებში ხანმოკლე წვიმა. ჰაერის ტემპერატურა კი 24-25 გრადუსამდე შენარჩუნდება", _განაცხადა დოდო გვაზავამ.