„რეგიონის განვითარების ცენტრისა" და საერთაშორისო ასოციაცია „კივიტას გეორგიკას" პროექტის „უმცირესობების ხმები ცვლილებებისთვის" ფარგლებში, ეთნიკური უმცირესობებით დასახლებული სოფლების პრობლემების განხილვა მოეწყობა, დღეს, სასტუმრო „ვერე პალასში" გაიმართება
პროექტი ხორციელდება საარჩევნო სისტემების საერთაშორისო ფონდის (IFES) ფინანსური მხარდაჭერით, რომლის მიზანია, საქართველოს 7 მუნიციპალიტეტის (ლაგოდეხი, ასპინძა, ახალციხე, თეთრიწყარო, კასპი, სიღნაღი და საგარეჯო) 21 სოფლის ეთნიკური უმცირესობების წინაშე მდგარი პრობლემებისა და საჭიროებების განხილვა და გადაწყვეტის გზების ძიება, პარტნიორული ურთიერთობების ჩამოყალიბება და დიალოგის დაწყება ცენტრალური და ადგილობრივი ხელისუფლების წარმომადგენლებთან.
პროექტი მიზნად ისახავს ეთნიკური უმცირესობებით დასახლებული სოფლების მოსახლეობის გააქტიურებას, მათი სამოქალაქო თვითშეგნების ამაღლებას და ჩართვას ადგილობრივი გადაწყვეტილების მიღებაში, უმცირესობების ხმების სრულფასოვან ასახვას თვითმმართველობის რეფორმის პროცესში.
შეხვედრაზე მოწვეულნი არიან რეგიონული განვითარებისა და ინფრასტრუქტურის სამინისტროს, დარგობრივი სამინისტროების, პარლამენტის რეგიონული განვითარებისა და თვითმმართველობის კომიტეტის, არასამთავრობო ორგანიზაციებისა და მედიის წარმომადგენლები.