საქართველოს განათლებისა და მეცნიერტების სამინისტრო სასკოლო სახელმძღვანელოებისთვის გამოყოფილი 9 მლნ ლარის ხარჯვის ზუსტ მიზნობრიობას ვერ ასახელებს, რაც, ორგანიზაციის აზრით, კორუფციული გარიგების საფრთხეს შეიცავს. ოფიციალური მონაცემებით, საქართველოში 550 680 სკოლის მოსწავლე ირიცხება. უშუალოდ პირველკლასელთა რაოდენობა, როგორც საჯარო ასევე კერძო სკოლებში, 46 190 შეადგენს, რაც მოსწავლეთა საერთო რაოდენობის 8-9%-ა.
აქედან გამომდინარე, რეალურად, სამინისტროს 2014 წელს 2013 წელს გაწეული ხარჯის (16 მლნ ლარი) 8-9% გაწევა უნდა მოუწიოს, რაც 1,4-1,5 მლნ-ს არ აღემატება. აღნიშნულ თანხას ემატება სახელმძღვანელოების ტრანსპორტირებისათვის საჭირო ხარჯები. გაუგებარია, რა მიზნითაა გამოყოფილი 9 მლნ ლარი, მაშინ როცა ბეჭდვისა და ტრანსპორტირების საერთო ღირებულება 2 მლნ ლარს არ აღემატება. დარჩენილი 7 მლნ ლარის მიზნობრიობა აბსოლუტურად ბუნდოვანია, იმის გათვალისწინებითაც კი, რომ სამინისტრო წინა წელს დაბეჭდილი, დაზიანებული წიგნების ჩანაცვლებასაც გეგმავს.
ზემოაღნიშნულიდან გამომდინარე, მიგვაჩნია, რომ საქმე გვაქვს ან მავანთა არაკომპეტენტურობასთან, ან კორუფციულ გარიგებასთან. მივმართავთ განათლების მინისტრს, გააკეთოს განმარტება აღნიშნულ საკითხთან დაკავშირებით და დაუყოვნებლივ განისაზღვროს გამოყოფილი თანხების მიზნობრიობა.