,,საქართველოს ახალგაზრდა კონსტიტუციონალისტთა ასოციაცია" საზოგადოებას რუსეთის ფედერაციის მოქალაქეობის მიღებასთან დაკავშირებით მეტი ყურადღების გამოჩენისკენ მოუწოდებს. ამის შესახებ აღნიშნულია ორგანიზაციის მიერ გავრცელებულ განცხადებაში, როემლსაც ,,ჯი-ეიჩ-ენი" უცვლელად გთავაზობთ: ,, ასოციაცია ეხმიანება ბოლო პერიოდში რუსეთის ფედერაციის ინიციატივას მოქალაქეობის მიღების გამარტივებასთან დაკავშირებით და საზოგადოებასა და საქართველოს მოქალაქეებს შეახსენებს, რომ საქართველოს მოქმედი კანონმდებლობით, სხვა ქვეყნის მოქალაქეობის მიღებასთან ერთად, პირი საქართველოს მოქალაქეობას ავტომატურად კარგავს.
აღნიშული განცხადების გავრცელების საფუძველს საზოგადოების ნაწილში გავრცელებული მცდარი აზრი გვაძლევს, რის მიხედვითაც, რუსეთის ფედერაციის მოქალაეობის მიღებით, ისინი იქნებიან ორივე ქვეყნის - საქართველოსა და იმავდროულად რუსეთის ფედერაციის მოქალაქეები, - ანუ მიიღებენ ორმაგ მოქალაქეობას. რაც მცდარი შეხედულებაა და შესაძლოა, შემდგომი გაუგებრობები გამოწვიოს.
აღვნიშნავთ, რომ მოქმემდი კანონმდებლობის, კერძოდ კი საქართველოს ორგანული კანონის ,,მოქალაქეობის შესახებ" 32-ე მუხლის 1-ლი პუნქტის ,,დ" ქვეპუნქტის მიხედვით, პირი სხვა ქვეყნის მოქალაქეობის მიღებით საქართველოს მოქალაქეობას ავტომატურად კარგავს.
ასევე, ასოციაცია მიიჩნევს, რომ რუსეთის ფედერაციის აღნიშნული ინიციატივა შესაძლებელია გარკვეულ საფრთხეებს შეიცავდეს საქართველოს სახელმწიფო უსაფრთხოების თვალსაზრისით. რაც საზოგადოების მხირდან გაცილებით უფრო მეტი პასუხისმგებლობით მოკიდებას მოითხოვს. ,,საქართველოს ახალგაზრდა კონსტიტუციონალისტთა ასოციაცია", აღნიშნულ საკითხთან დკავშირებით, საზოგადოებას მეტი სიფრთხილისა და ყურადღების გამოჩენისკენ მოუწოდებს",_ნათქვამია განცხადებაში.